Argentínsk steik á góðu verði....en ekki á Íslandi, að sjálfsögðu ekki!!!

Það er farið að vora, svei mér þá. 16 stiga hiti á morgun, en skýjað og kanski rigning...? Það sagði mér hjólreiðamaður í dag, sem stoppaði mig á miðri götu í dag, bara til þess að segja mér veðurspána, ég sver það. Ég þekkti hann að sjálfsögðu ekki.... Það var frekar fyndið :)

Eldaði alveg yndislegan mat. Vis "en papillote" þ.e fiskur í álpappírs"poka" alveg rosalega gott. Líka mjög einföld uppskrift. Ef einhver hefur áhuga, þá bara að kommenta. Opnaði með þessu alveg rosa fína hvítvínsflösku, Muscadet, sem ég fékk fyrir nokkrum árum í gjöf frá Ingunni vinkonu, þegar ég spilaði konsertinn hans Tryggva Baldvins hér í Belgíu. Ég var sem sagt núna fyrst að opna hana. Árgerð 2002 og eins og ég sagði alveg þrusu gott vín! 

Í gær fórum við yfir til Hollands, n.t.t  Terneuzen sem er bara í rúmlega 30 mín. keyrslu hér frá Gent. Fórum á Argentískan/mexíkóskan veitingastað. Fengum okkur Argentíska steik, 225gr. þetta var borið fram með bökuðum kartöflum, salati og grænmeti. + stóru aukasalati. Og hvað kostaði þetta nú??? ekki nema 15.50 evrur. Það eru rúmar 1600 - 1700 krónur  eins og gengið er þessa dagana. Alveg rosalega gott. VÁ!!! Ég er alveg viss um að þetta kostar meira á Argentína steikhús...kanski 5 sinnum meira ...?

Jæja, ætla að hafa þetta stutt í dag, það er ekkert að frétta hvort sem er.  Allt við það sama, vinna og vinna og skóli...

hafið það gott..

knús frá Belgíunni* 

Athugasemdir

[Gissur Jóhannesson (IP-tala skráð) 19.4.2008 kl. 21:19]

Ætli bændur á Íslandi hafi ekki fengið í vetur svona kr.100/-120/- fyrir 225 gröm af nautakjöti. Sé það svo dýrt sem þú segir,hækkar það mjög frá þvi sem bændur fá  

                                                    Gissur á Herjólfsstöðum.

[Sveinhildur Torfadóttir, 19.4.2008 kl. 21:51]

Ég setti spurningarmerki fyrir aftan kanski 5 sinnum meira...? vegna þess að ég er ekki viss hvað svona steik á Íslandi kostar. En ég er viss um að hún er mun dýrari heldur en hér í Belgíu og Hollandi. Miðað við hvað allt er dýrt á Íslandi. Það er svo annað mál að bændur fái ekki nema svona hlægilegt verð fyrir kjötið sitt. Það er alveg fáranlegt. En um þau mál veit ég ekki mikið, því miður..

[Torfi (IP-tala skráð) 20.4.2008 kl. 14:42]

Sæl mín kæra. Hér færðu verðin af matseðli "Argentina steikhús" Ekk langt frá því sem þú áætlaðir (3-4 sinnum Belgía/Holland). Svo Gissur á Herjólfsstöðum er illilega svikinn þegar hann selur kjötið frá sér. Svei, svei. 

Kveðja, pabbi 

Entrécôte 230 gr.
Beef Entrécôte 8 oz
4.450,-

Nautaframhryggjarsneið 300 gr.
Rib eye 11 oz
4.450,-

Nauta T-bein 350 gr.
T-bone steak 12 oz
4.700,-

Nautalundir 200 gr.
Nautalundir 300gr.
Beef tenderloin 7 oz / 11 oz
4.980,- / 5.480,-

[Sveinhildur Torfadóttir, 20.4.2008 kl. 18:03]

já, og þetta verð sem þú skrifar er alveg örugglega ekki með öllu þessu meðlæti sem við fengum. Fyrir utan að fá svo góða vínflösku með á 13 evrur...!!!

knús*