Guðforeldrar og jazz...

Vorum í skírnarveislu á laugardaginn og erum nú formlega orðin guðforeldrar Thomas Andre... Þetta var kaþólsk skírn og þetta er í fyrsta skipti sem ég er viðstödd kaþólska skírn. Þetta er vissulega öðruvísi uppbyggt en hjá okkur, og í rauninni miklu meira gert úr athöfninni. Athöfnin tók tæpan klukkutíma, og var ekki inni í messu. Mjög falleg og afslöppuð athöfn!! Svo var grill á eftir og að sjálfsögðu vín frá Chile...

 

Í gærkvöldi fórum við svo á æðislega djazz tónleika, trompet, píanó og bassi. Þetta eru einir bestu tónleikar sem ég hef farið á, þvílík unun að hlusta á þau spila, það var alveg sama hvað þau spiluðu allt var topp flutningur, enda var þarna einn besti ef ekki sá besti jazz trompetleikari í Belgíu sem er að kenna í Sviss, og píanóleikarinn, hún var æðisleg. Þau spiluðu mikið af tónlist eftir hana, sem var gullfalleg. Það er erfitt að lýsa þessu með orðum...

Núna er ég komin í páskafrí, og var að klára  2ja vikna verknám á föstudaginn, það var mjög lærdómsríkt og gekk alveg rosalega vel, fengum mjög góða dóma!! Núna er planið að setjast niður í páskafríinu og byrja að læra almennilega, það er kominn tími til, ég er búin að fá próftöfluna, og byrja þann 29. mai og er búin 19. júni. Svo það styttist í þetta...

Er að fara að vinna núna í nokkra klukkutíma í móttöku og ætla að kíka aðeins á góða veðrið fyrst...17 stiga hiti og sól...hihi... ekki slæmt.

p.s ég setti eina mynd inn frá skírninni...

lifið heil,

sveinó 

Athugasemdir

[Torfi (IP-tala skráð) 5.4.2007 kl. 19:51]

Til hamingju með að vera orðin "foreldrar" hum, hum! Eruð MJÖG foreldraleg.

Tók mér bessaleifi að setja nokkrar af myndunum sem voru í meilinu inn á althornmeistermeister-síðuna mína. Thomas er algjört krútt í ponsjoinu og með hattinn og svo með snudduna.